Pituah Agamo Babahaso Minang (2)

 Tauhid Keimanan (2)

 Oleh: Mursal

Assalamualaikum Wr. Wb

Batamu baliek sanak, kini koh wak kaji masalah rukun Islam.
Sabalun mulai cubo wak bahas dulu apo nan rukun dan apo islam tuh. Acok bana wak mandanga kato2 rukun koh sanak, sayang bana kalo arti nan sabananyo wak ndak tahu. Rukunnyo anggota keluarga pasti urang mangatokan seia sekata, tapi kalau rukunnyo diri tantu apo nan dikatokan muluik, itu nan didanga talingo dan pasti itu nan diliek mato, baa manuruik sanak.
Kalau Islam pasti artinyo salamaik, kalau ingin salamaik dunia jo akhirek masuklah islam secaro kaffah..
Dalam rukun Islam ado limo perkara:

1. Dua kalimah syahadat.
   Hati2 manyabuiknyo sanak ada sesuatu dalam kalimah itu. Artinyo Aku Naik Saksi Tiada Tuhan melainkan Allah dan Aku Naik Saksi Muhammad adalah utusan Allah.
Siapo Aku itu sanak, dan apo nan naik dan sia nan jadi saksi dan apo nan di saksikannyo, kalau sanak mau tahu siapa aku, panggil dia dengan sebut nama, dan nan naik itu pastilah roh sedangkan nan jadi saksi
tantulah mato, talingo dan sifat lain tentang apo nan dikatokan muluik.

 Katiko muluik manyabuik, lai itu nan didanga talingo sanak, lai itu pulo nan disaksikan mato, iko agak barek stek sanak..diparalukan bana jujur, sabar dan ikhlas untuk mandapekkannyo sanak..
"Kata aku kata engkau, dengar aku dengar engkau dan pandang aku pandang engkau" sudahkan ada Allah dalam pandangan kita ???

Baa pulo caro perbuatannyo tiado tuhan selain Allah, berarti langik jo bumi serta makhluk didalamnyo tamasuk diri kito ndak ado lai sanak katiko kito manyabuik kalimah koh, baa perbuatannyo sanak..kalaulah
ndak ado nan lain baru lah roh bisa batamu jo nan satu tuh. Itu kalimah tauhid sanak, mano nan tauhidnyo ? Allah, itu namo. Satiok namo ado diri, tapi kito ndak bisa mancari sesuatu jo diri, tapi kito bisa mencari nan ghaib jo sifatnyo. Allah namanya, Muhammad Sifatnya dan Adam Jasadnya.

Kalau urang ka masuk Islam mambaco 2 kalimah syahadat, apo pulo ucapan urang nan lah masuek Islam ? tantu ado sanak, apo tuh Allahu Akbar, bilo kito ucapkan? Tantu di rukun islam kaduo.

2. Sembahyang.
Apo nan kito sembah dan apo nan kito persembahkan ?? "Janganlah kamu menyembah setan" Baa caro perbuatannyo sanak, Setan ghaib, malaikat Ghaib, Allah juga Ghaib, kalaulah wak ndak tahu dan
tak bisa membedakan ghaibnya yg ghaib, bisa2 wak salah sembah, hati2 sanak iko perkara nan pentiang koh.
Di Akhirek amalan patamo dihisab adolah Sholat..kalau sholat ndak ditarimo amalan nan lain pasti ndak ditarimo pulo, akhirnyo balambin ka narako salamonyo. "Siapo nan paliang marugi diateh dunia koh, adolah urang nan banyak beramal, sholat wajib ndak tingga, sunat malah balabiahan, puaso pun rajin, zakat apo lai, naik haji lah acok bana, baitu juo masalah sosialnyo, rajin manyumbang tapi sayang ndak diakui dek Tuhan, karano sia nan disembahnyo sampainyo mati ndak tahu.. ingek sanak iko paralu bana tuh...
Cieklai sanak, kok dapek sumbayang tuh ambiek fardhunyo, jaan wajibnyo.

3. Puaso
Sia nan disurueh puaso sanak yaitu bagian atas orang beriman, Apo nan diateh tuh sanak patamo muluik, lah muluik koh bakato sasuai jo sifat nabi nan 4, talingo lah didanga nan baik2, mato rajo diateh baa nyo mamimpim lai diarahkan anggotanya ka nan baik2. kalau alun berarti ndak dapek fitrahnyo puaso atau status takwa tuh ndak batamu jo awak.

 Baa kok cuman sabulan wak diwajibkan puaso sanak (dalam artian 30 hari), mukasuiknyo, kalaulah sanak manjago nan 3 sanak akan dapek 0 =fitrah. Kiro-kiro dalam sholat sanak puaso ndak, cubo ranuangkan?!

4. Zakat
Wak banyak bazakat secaro syariat, tapi acok lupo sacaro hakikat. Sesungguhnya manusia itu terlahir dalam kondisi yatim piatu, walaupun ibu bapaknya masih hidup saat dia lahir. Cobalah cari maknonyo, paralu ndak wak bazakat kainyo, baa pulo caronyo, Dengan menyebut Namo Allah, yang maha pengasih dan maha Penyayang, Ado sesuatu yang dikasih samo Allah, dan itulah barang yang paling kito sayang, itu barang nak
dikembalikan kepada yang punya setiap kito sholat, supayo itu barang selalu sehat dan bahagia.

5. Naik Haji.
Banyak urang pai kamakah sanak tapi naik pesawat, ndak naik haji, sehinggo pulang dari makah bagalah pak haji jo bu hajjah, nan naik alun dapeknyo lai, padohal kalau naik haji tuh, ado suatu barang dalam diri kito naik menemui panggilan Allah dan dia pindah dari alam dunia ke alam yang lain, sehingga haji Mabrur..
makonyo naik haji tuh 5x setiok hari.. itu hakikatnyo, kalau syariatnyo hanyo bagi yang mampu..

Jadi kesimpulannyo kalimo perkara koh dilakukan dalam sholat, makonyo amalan patamo kali dihisab adolah sholat, kalau sholatnyo benar, mako amalan nan lain ditarimo/dibenarkan, jiko salah nan lain tabaok
salah...

Baa sanak itu sajo dari kito kini, mudah2an tabukak juo akal sanak, supayo jaan jadi islam turunan dan ikuik-ikuik-an. kok ado nan salah itu dari kito dan kito mohon diampunkan sanak...Mokasih sanak Wassalam.